Pinangunahan ni Mayor Emi Calixto-Rubiano ang pagpapasinaya sa bagong bukas na Alternative Learning System (ALS) Center na matatagpuan sa Paaralang Elementarya ng Padre Burgos.
Ayon kay Calixto-Rubiano, simula ng magsimula ang Alternative Learning System, ay nakapagbigay na ito ng magandang pagbabago.
Sa sobrang positibo aniya ng epekto ng ALS ay napabuti nito ang buhay ng lahat ng mga estudyante nito, kanilang pamilya at maging kanilang mga komunidad gayundin ang lungsod ng Pasay.
Ito aniya ay base na rin sa mga tao sa likod ng ALS na tinitiyak na ang ALS ay maayos para sa kapakinabangan ng lahat.
Ang pagpapasinaya sa bagong learning facility ay bahagi ng handog na serbisyo sa mga Pasayeño kasabay ng pagdiriwang ng kaarawan ni Calixto-Rubiano. | ulat ni Lorenz Tanjoco
