Nanawagan si Quezon 3rd Dist. Rep. Reynan Arrogancia ng mas mataas na budget para pondohan ang pangangailangan ng mga student-athletes para sa tsansang makapag uwi ng dagdag karangalan sa bansa.
Ginawa ni Arrogancia ang pahayag sa gitna ng isinasagawa ngayong budget deliberation ng kamara sa 2025 panukalang pambansang budget.
Ayon sa mambabatas, maaring bigyan ng dagdag na pondo ang DepEd, CHED, at iba pang government agencies para suportahan ang mga atleta simula elementarya hangang kolehiyo.
Aniya, sa patuloy na pagsuporta sa larangan ng sports ay maramig komunidad at kabataan ang mabibigyan ng kakayahan na linangin ang kanilang kakayahan sa pagunlad ng kanilang pamumuhay at bayan.
Panahon na rin anyang pag-aralan ang pagtalima sa Republic Act 11470 o ang National Academy of Sports System na nagbibigay scholarship at training sa mga student athletes at ang RA 10676 o student-athletes Protection Act na nagbibigay protection naman sa karapatan ng mga batang atleta. | ulat ni Melany Reyes