Naglabas ang Department of Health (DOH) ng mga paalala at gabay sa publiko upang maiwasan ang pagkalat ng MPOX.
Ito ay matapos na makumpirma ang isang bagong kaso ng sakit sa bansa.
Kabilang sa mga paalala ng DOH ang pagsunod sa kaparehong protocol na ipinatutupad para sa COVID-19 gaya ng pagsusuot ng facemask, siguruhing mayroong maayos na airflow, paghuhugas ng kamay, at panatalihin ang physical distance.
Kasama naman sa mga sintomas ng mpox ang pamamaga ng lymph nodes, lagnat, at pagkakaroon ng rashes sa katawan.
Nauna namang sinabi ni Health Secretary Ted Herbosa na hindi kailangan na magtayo ng mga isolation facility sa ngayon, ngunit binigyang diin nito ang mga indibidwal na mayroong sintomas o positibo sa MPOX ay kailangan na mag-home isolation.| ulat ni Diane Lear