Itinutulak ni Camarines Sur 2nd Dist Rep. LRay Villafuerte ang P88-billion na budget ng Department of Agriculture (DA) sa taong 2025.
Ayon kay Villafuerte, layon nitong nakamit ang hangarin ng bansa na food security at makapagpatayo ng mga priority initiatives gaya ng irigasyon, postharvest facilities, food terminals, processing centers at mas maraming kadiwa outlets sa bansa.
Ipinanukala din ng mambabatas na ang natitirang P35 billion na additional allocation for 2025 ay ilaan sa pagpapatayo ng mga fishports, intensive production ng mga niyog at high value crops, livestock development at KADIWA stores.
Diin ng CamSur Solon, kung nais ng bansa na itaas ang antas ng agrikultura sa bansa at ang paggasta nito sa 4 percent ng GDP, mainam aniya ay nasa P88 billion ang budget ng DA.| ulat ni Melany V. Reyes