Nagdulot ng mabigat na daloy ng mga sasakyan, partikular sa bahagi ng Quezon Avenue corner Scout Albano ang nabuwal na malaking sanga ng puno bandang alas-7 ngayong umaga.
Humambalang ito sa kalsada at halos dalawang lane ang sinakop.
Ongoing naman na ang clearing operation na sanib-pwersang ginawa ng mga tauhan ng Quezon City Disaster Risk Reduction and Management Office (DRRMO), Department of Public Order and Safety (DPOS), at Department of Public Works and Highways (DPWH).
Sa ngayon ay naigilid na ang mga nagkalat na dahon at naialis na rin ang nabaling sanga.
Tuloy-tuloy pa rin naman ang pag-ulan sa mga oras na ito sa Quezon Avenue, Quezon City. | ulat ni Merry Ann Bastasa
