Hawak na ng Philippine Drug Enforcement Agency (PDEA) ang apat na drug personality na nahuli sa isang buy-bust operation sa Barangay Lorenzo, San Pedro City, Laguna.
Ito ay matapos salakayin ng PDEA Laguna Provincial Office at San Pedro City Police station ang drug den sa lalawigan.
Kinilala ang mga nahuli na sina Nehru Bautista, di umano’y maintainer ng drug den; Donald Tinio, Ronaldo Lopena at Merbin Villate.
Nabawi mula sa kanila ang illegal drugs na nagkakahalaga ng P47,600 buy-bust money at drug paraphernalia.
Inihahanda na ang kaso laban sa mga drug personality dahil sa paglabag sa Republic Act no. 9165. | ulat ni Rey Ferrer
