Nakaalerto pa rin ang PHIVOLCS sa aktibidad ng Bulkang Kanlaon sa Negros na patuloy na nagbubuga ng mataas na lebel ng volcanic sulfur dioxide (SO2).
Sa monitoring ng PHIVOLCS, umakyat pa sa 10,880 tonelada ng asupre ang ibinuga ng bulkan.
Bukod dito, mayroon ding 17 volcanic earthquake sa nakalipas na 24-oras sa bulkan.
Ayon pa sa PHIVOLCS, patuloy rin ang pamamaga ng bulkan.
Sa ngayon, nakataas pa rin ang Alert Level 2 (increasing unrest) sa Bulkang Kanlaon. | ulat ni Merry Ann Bastasa
