Nakatakdang pasinayaan ngayong umaga ni Malabon Mayor Jeannie Sandoval ang ilang bagong pumping station at flood control facilities sa lungsod.
Kabilang dito ang Dulong Adante Pumping Station na matatagpuan sa Brgy. Tañong at Sto. Rosario II Pumping Station na nasa Brgy. Baritan.
Bukod dito, ibibida rin ang rehabilitasyon ng ilan sa Drainage at Flood Control Facilities sa Malabon.
Ayon sa LGU, kabilang ito sa mga hakbang upang matugunan ang problema ng pagbaha sa lungsod.
Ang makabagong pumping station ay mas mabilis, mas matibay, at kayang mag-operate nang tuloy-tuloy sa loob ng anim na oras, kumpara sa lumang sistema na limitado sa tatlong oras ng operasyon.
Samantala, ang rehabilitasyon ng drainage at flood control facilities ay magbibigay naman ng mas episyenteng daloy ng tubig upang maiwasan ang pagbaha at maprotektahan ang kaligtasan ng buong komunidad. | ulat ni Merry Ann Bastasa
