Magbibigay ang Light Rail Transit Authority (LRTA) ng tatlong araw na libreng sakay sa LRT Line 2.
Ito ay para sa mga kawani ng gobyerno bilang pagpupugay sa ika-124 na anibersaryo ng Philippine Civil Service.
Batay sa abiso ng LRTA, maaaring i-avail ang libreng sakay mula September 18 hanggang 20 simula 7:00 AM hanggang 9:00 AM, at 5:00 PM hanggang 7:00 PM.
Kailangan lamang magpakita ng government agency o office ID upang ma-avail ang libreng sakay.
Ang inisyatibong ito ay isang paraan ng LRTA upang pasalamatan at bigyang-pugay ang mga kawani ng pamahalaan na naglilingkod sa bayan. | ulat ni Diane Lear
