Dumating na sa Pilipinas ang ikalawang batch ng overseas Filipino workers (OFWs) na nag-avail ng nagpapatuloy na Amnesty Program ng United Arab Emirates (UAE).
Lumapag ngayong araw sa Ninoy Aquino International Airport (NAIA) ang 17 OFWs kasama ang tatlong bata mula sa Dubai, at 25 OFWs mula naman sa Abu Dhabi.
Pinangunahan ni Migrant Workers Secretary Hans Leo Cacdac ang pamamahagi ng tulong pinansyal mula sa ahensya.
Tiniyak din ng DMW ang iba pang tulong ng pamahalaan sa nasabing OFWs.
Sa kabuuan, umabot na sa 103 OFWs at limang bata ang nakauwi sa bansa sa ilalim ng UAE Amnesty Program.
Matatandaang sinimulan na ipatupad ng pamahalaan ng UAE nitong September 1 hanggang October 31 ang naturang amnesty program, para mabigyan ng clemency ang mga OFW na lumabag sa batas sa naturang bansa. | ulat ni Diane Lear
