Patuloy ang pagbaba ng presyo ng bigas partikular ng imported rice sa ilang pamilihan sa Metro Manila.
Sa Muñoz Public Market sa Quezon City, bagamat may kamahalan pa, mayroon nang mabibiling ₱48 kada kilo habang ₱53 kada kilo naman ang pinakamahal depende sa klase.
Ayon sa ilang tindera, bumaba na ng ₱2 hanggang ₱3 ang bentahan ng imported na bigas.
Una nang sinabi ng Department of Agriculture na mayroon nang mabibili ngayon na ₱42 kada kilo na imported rice sa mga palengke.
Inaasahan din ng kagawaran na bababa pa ito pagsapit ng Oktubre dahil sa anihan. | ulat ni Merry Ann Bastasa
