Suportado ni Bukidnon Representative Jonathan Keith Flores ang paglipat ni Alice Guo sa Pasig City Jail Female Dormitory.
Umaasa ang mambabatas na ngayong nasa regular na kulungan na si Guo ay pagnilayan nito ang kaniyang hinaharap at magresulta sa pagsasabi na niya ng katotohanan.
“I personally want Guo Hua Ping to deeply contemplate her future as she is detained at the Women’s Dormitory of the Pasig City Jail. Perhaps her detention there, will help her realize that it is in her interest to henceforth tell Congress and the people the truth,” ani Flores.
Sa nakaraang pagdinig ng House Quad Committee sinabi ni Guo na isang foreigner ang tumulong sa kaniya na makalabas ng bansa.
Giit ni Flores, hindi lang sila imteresado na matukoy kung sino ang mga banyaga na tumulong sa kaniya ngunit higit lalo sa mga opisyal ng pamahalaan na nagkanlong sa kaniya at tumulong sa operasyon ng kaniyang iligal na mga negosyo.
Tiwala naman ang mambabatas na matibay ang kaso ng Department of Justice (DOJ), Presidential Anti-Organized Crime Commission (PAOCC), at
Anti-Money Laundering Council (AMLC) laban kay Guo. | ulat ni Kathleen Jean Forbes
