Tuloy-tuloy na ang ginagawang preparasyon ng Quezon City government katuwang ang Commission on Elections (COMELEC) para sa simula ng Filing of Certificate of Candidacy (COC) bukas, October 1.
Sa Quezon City, gaganapin sa Amoranto Sports Complex ang COC filing para sa mga kakandidato sa Districts 1-6.
Maaaring magsumite ng COC dito ang mga nais kumandidato mula October 1 hanggang 8, 2024 para sa National at Local Elections sa May 12, 2025.
Nakapaskil na ang iba’t ibang tarp at gabay para sa gaganaping COC filing.
Nakalagay na rin ang step by step procedures kung saan magkakaroon ng verification, receiving, encoding, at releasing ng notices para sa Statements of Contributions and Expenditures (SOCE) filing. | ulat ni Merry Ann Bastasa
