Nagbukas na ang Department of Migrant Workers (DMW) ng Help Desk sa Lebanon.
Ayon sa DMW, sakop nito maging ang mga undocumented overseas Filipino worker (OFW) na nangangailangan ng agarang tulong.
Sa gitna ito ng lumalalang tensyon at sunod-sunod na pambobomba ng Israel sa Lebanon.
Sa abiso ng DMW, maaaring tumawag sa kanilang hotlines ang mga OFW na nangangailangan ng tulong sa numerong 8522-3663 o sa 0919-067-3975.
Ilan kasi sa problema ng mga Pilipino sa Lebanon ay ang kawalan ng dokumento na madadala sa kanilang paglikas.
Para sa karagdagang impormasyon, maaaring bisitahan ang Facebook page ng DMW. | ulat ni Diane Lear
