Naniniwala ang Bangko Sentral ng Pilipinas (BSP) na papalo sa 2.0 to 2.8 percent ang inflation sa buwan ng Setyembre.
Ginawa ng BSP ang pahayag dalawang araw bago ilabas ng Philippine Statistics Authority (PSA) ang September inflation.
Ayon sa Sentral Bank, ang mababang pagtaya ng inflation ay dahil sa negative base effect ng mababang presyo ng pagkain partikular ang bigas karne at gulay.
Dagdag din sa downward pressure ang lower domestic oil prices at paglakas ng piso kontra dolyar, at magsisilbing “offset” sa mataas na presyo ng isda, prutas at kuryente.
Pagtiyak ng monetary board, patuloy nilang ipatutupad ang mga hakbang upang patatagin ang presyo ng bilihin tungo sa sustainable growth ng ekonomiya at employment. | ulat ni Melany Valdoz Reyes
