Nag-commit ang Department of Finance (DOF) sa Department of Health (DOH) na isusulong nito ang Universal Health Care para sa lahat ng mga Pilipino.
Ito ang inihayag ni Finance Secretary Ralph Recto kasunod ng kanilang pulong ni Health Secretary Ted Herbosa, kung saan tinalakay ng dalawang opisyal ang mga financing support para sa health-related projects and programs ng kagawaran.
Nangako din si Recto, na gawing agaran ang foreign donations sa DOH upang mapakinabangan agad ng publiko.
Kabilang na rito aniya ang mas pinadaling donation acceptance mula sa ibang bansa.
Ang mga donasyon kasi mula sa abroad ay karaniwang exempted ang duty tax depende sa consignee o recipient ng donasyon.
Kamakailan, magkatuwang ang dalawang ahensya sa pagsasapinal ng Philippine Global Health Agenda. | ulat ni Melany Valdoz Reyes
