Inilabas na ng Civil Service Commission (CSC) ang iskedyul para sa mga nakatakdang Civil Service Exam sa taong 2025.
Mauuna ang Career Service Examination para sa Foreign Service Officer (CSE-FSO), na gaganapin sa January 25, 2025.
Samantala, ang Career Service Examination-Pen and Paper Test (CSE-PPT), para sa Professional at Sub-professional Levels, ay isasagawa naman sa March 2, 2025.
Para sa unang March CSE-PPT, ang application period ay magsisimula sa November 19, 2024 hanggang sa January 3, 2025.
Habang ang application period naman para sa August CSE-PPT, ay magsisimula sa Mayo ng 2025.
Bukod dito, nakatakda ring mag-administer ng Basic Competency on Local Treasury Examination (BCLTE) ang CSC sa June 1, 2025. | ulat ni Merry Ann Bastasa
