Hindi naapektuhan ng tumamang 4.1 magnitude na lindol sa Anda, Bohol ang serbisyo ng National Grid Corporation of the Philippines (NGCP) sa buong lalawigan.
Batay sa ulat nito, nananatiling normal ang power transmission services nito sa kabila ng tumamang lindol.
Ayon pa sa NGCP, wala ding napaulat na anumang power interruption sa mga lugar na naapektuhan ng lindol.
Nananatili ring intact ang Bohol Sub Grid at walang napinsalang transmission facilities kasunod ng malakas na pagyanig. | ulat ni Merry Ann Bastasa
