Nagbabala si House Quad Committee Co-Chair Benny Abante kay Rose Nono Lin, na kung hindi pa ito haharap sa komite ay maaari na siyang ipa-contempt.
Ito ang tugon ng mambabatas matapos malaman na nagawang mag-file ng Certificate of Candidacy ni Lin sa pagka-kongresista sa 5th District ng Quezon City, pero hindi naman humaharap sa pagdinig ng komite.
Kasama si Lin sa mga incorporator ng ilan sa mga kompanya na konektado sa POGO na pagmamay-ari ng kanyang sinasabing asawa na si Allan Lim.
Una na rin silang idinawit sa Pharmally scandal.
Sa ngayon ay may Show Cause Order na si Lin para dumalo sa pagdinig ng Quad Committee na nag-iimbestiga sa koneksyon ng POGO, iligal na droga, at EJK. | ulat ni Kathleen Jean Forbes
