Hinikayat ni Pangulong Ferdinand R. Marcos Jr. ang mga dayuhang negosyante at mamumuhunan, na subukan ang mga oportunidad sa Pilipinas, sa iba’t ibang industriya.
Sa pag-harap sa ng pangulo sa ASEAN Business and Investment Summit (ABIS) 2024, ibinida ng pangulo ang pagiging ideal hub ng Pilipinas para sa smart at sustainable manufacturing.
Pagbibigay diin ni Pangulong Marcos, agresibong pag-unlad ang target na maabot ng pamahalaan, sa linya ng imprastruktura, manufacturing, agrikultura, at digital connectivity.
“So, let me put on my salesman’s hat and invite you to explore the investment opportunities we offer. We are targeting industries like green metals, battery manufacturing, energy equipment, data centers, and agribusiness,” -Pangulong Marcos.
Upang suportahan ang target na ito, ang pamahalaan, nagpapatupad na aniya ng mga mahahalagang reporma, tulad ng Public-Private Partnership (PPP) Code at Internet Transactions Act.
Ang Philippine manufacturing sector, ayon sa pangulo, patuloy na lumalago, sa kabila ng global challenges.
Binanggit rin ng pangulo na ang chemical industry, isa sa pinakamalaking sub-sector sa manufacturing industry, na nagsisilbing pundasyon at sumusuporta sa ilan pang sektor, tulad ng agrikultura, creatives, construction, energy, health, at pharmaceutical.
At nakikita ito ng bansa, bilang isang malaking contributor sa economic growth at job generation sa bansa.
“We look at this as a major contributor to economic growth and job generation in the foreseeable future,” —Pangulong Marcos.
Kasabay nito ayon sa pangulo, ang pagsusulong at pagbibigay insentibo sa mga kumpaniya na sumusuporta sa mga inisyatibo para sa kalikasan. | ulat ni Racquel Bayan