Sinisilip na rin ng Philippine National Police (PNP) ang posibilidad na iisang grupo lamang ang nasa likod ng pagpatay kina dating PCSO Board Secretary Welsey Barayuga at Tanauan, Batangas Mayor Antonio Halili.
Ayon kay PNP Public Information Office Chief, PBGen. Jean Fajardo, inaalam na nila ang posibilidad na konektado ang dalawang naturang krimen.
Magugunitang lumutang sa naging pagdinig ng House Quad Committee na pawang mga pulis ang isinasangkot sa krimen.
Gayunman, sinabi ni Fajardo na ayaw niyang pangunahan ang nagpapatuloy na imbestigasyon lalo’t itinuturing itong sensational case.
Kaya’t hahayaan na lamang nila ang Criminal Investigation and Detection Group (CIDG) sa paghalukay sa naturang kaso upang malaman ang kalaliman nito. | ulat ni Jaymark Dagala
