Dalawang linggo bago ang Undas ay naglabas na rin ang Caloocan City government ng ilang paalala para sa mga bibisita sa mga pampublikong sementeryo sa lungsod.
Ayon sa LGU, papayagan ang paglilinis at pagpipintura ng mga puntod hanggang sa October 29 lamang.
Habang ang iskedyul naman sa pagbisita sa mga sementeryo sa lungsod ay mula October 30 hanggang November 2, 2024.
Papayagan ito mula alas-7 ng umaga hanggang alas-10 ng gabi.
Kaugnay nito, muling nagpaalala ang LGU sa mga kadalasang ipinagbabawal sa mga sementeryo kasama na ang pagdadala ng mga matutulis at matatalim na bagay, mga nakakalasing na inumin, mga bagay na maiingay tulad ng radyo, speakers, at pagsusugal. | ulat ni Merry Ann Bastasa
