Pinaghahanda na ng Philippine Coast Guard ( PCG) ang lahat ng mga stations at sub-stations nito sa pagdagsa ng mga pasahero ngayong Undas.
Sa derektiba ni PCG Admiral Ronnie Gil Gavan, itataas ang kanilang alerto simula October 31 hanggang November 5.
Ito ay dahil sa inaasahang pagdagsa ng mga pasahero gamit ang iba’t ibang uri ng transportasyon.
Paalala naman ng PCG sa mga pasahero, asahan na ang mas mahigpit na seguridad sa mga pantalan, paliparan, at terminal sa mga susunod na araw.
Nais lamang daw ng PCG na matiyak ang seguridad ng publiko na bibyahe ngayong Undas. | ulat ni Mike Rogas
