Naglabas na ng abiso ang Municipal Disaster Risk Reduction and Management Office (MDRRMO) ng bayan ng Bula, Camarines Sur na hindi na madaanan ng mga sasakyan ang ilang kalsada sa nasabing bayan dahil sa naitalang pagbaha.
Sa Traffic Advisory ng MDRRMO Bula, ang tertiary national road sa bahagi ng Barangay Panoypoyan at Ombao Heights sa nasabing bayan ay hindi na madaanan ng lahat ng uri ng sasakyan.
Bukod dito, ang tertiary national road sa boundary ng Balaogan at Palsong ay hindi na rin madaanan ng lahat ng uri ng sasakyan dahil sa pagbaha.
Samantala, sa ipinalabas na Rainfall Advisory, nasa Red Warning Level ang Camarines Sur at maaari umanong magkaroon ng mga pagbaha sa mga flood-prone areas at tiyansa ng landslide sa mga landslide-prone areas. | ulat ni VanessA Nieva | RP1 Naga
