Mabilis na kumasa si PBA Party-list Representative Migs Nograles sa hamon ni Vice President Sara Duterte na sumalang sa isang drug at neuropsychiatric test.
Sa isang panayam kasi sa bise presidente, sinabi niya na handa siyang sumalang sa mental health exam kung ang mga kandidato sa 2025, lalo na ang mga tumatakbong kongresista ay sasailalim din sa pagsusuri.
Kasama na rin dito ang kapatid na si Davao City Rep. Paolo Duterte, na makakalaban ni Nograles.
Sa isang mensahe sinabi ni Nograles, na wala siyang problema na magpasuri at kaniyang ipapa-schedule ang kaniyang test sa susunod na mga araw. | ulat ni Kathleen Forbes
