Inatasan na ngayon ng National Telecommunications Commission ang lahat ng public telecommunications entities (PTEs) na magpatupad ng mga hakbang para masigurong masosolusyunan agad ang mga aberya sa komunikasyon sa lahat ng lugar na apektado ng Bagyong Kristine.
Sa inilabas na memo ng NTC, pinagdedeploy nito ng mga tauhan ang mga telco, gayundin ng standby generators sa mga lalawigang hinagupit ng kalamidad.
Pinaactivate na rin ang libreng tawag at libreng charging stations para magamit ng mga apektadong residente.
As of Oct. 23, iniulat ng ilang telco ang service outages sa ilang lalawigan sa Bicol Region at Eastern Visayas at mayroon ding minor outages in sa CALABARZON at Northern Luzon.
Sa ulat ng Globe Telecom, 75%- 92% ng serbisyo nito ang nawala sa Catanduanes, Camarines
Sur, Albay, at Camarines Norte.
Iniulat naman ng Smart Communications na may 21 pamilya sa Daet, Camarines Norte ang pansamantalang nanatili sa PLDT Cable Landing station noong kasagsagan ng pagtama ng bagyo.
Nakaranas din ng ortage ang Dito Telecommunity sa Northern Luzon, Southern Luzon, Visayas at Mindanao.
Maging ang Converge ay nagkaroon din ng service disruptions sa Bicol Region, Cagayan Valley, Calabarzon, Central Luzon, Cordillera Region, Eastern Visayas at Ilocos Region.
Tiniyak naman ng mga kumpanya na ongoing na ang service restoration efforts nito sa mga apektadong lugar.
Ayon din sa NTC, magbibigay ng tulong ang SpaceX Starlink sa first responders sa pamamagitan ng Starlink internet
service.
Habang ang PLDT Smart Group ay naghahanda na ring mamahagi ng relief packs. | ulat ni Merry Ann Bastasa