Apektado na rin ng bagyong Kristine ang byahe ng LRT Line 1.
Pero sa kabila nito ay tiniyak ng LRT-1 private operator Light Rail Manila Corporation (LRMC) na magpapatuloy ang kanilang commercial operation ngayong araw.
Giit ng LRMC ito ay mula Central Terminal lamang hanggang Fernando Poe Jr. Station at pabalik.
Paliwanag ng LRMC, patuloy pa rin kasi ang ginagawa nilang clearing operations sa mga istasyon sa pagitan ng EDSA at Libertad.
Inaalam din anila nila ang tindi ng impact ng nasabing bagyo sa kanilang mga pasilidad at nagsasagawa ng mga kinakailangang pagkukumpuni.
Masusi din ang ginagawang inspeksyon ng kanilang opisina sa lahat ng istasyon at mismong mga riles para matiyak ang kaligtasan ng lahat.
Kasabay nito ay tiniyak ng LRMC na patuloy ang kanilang monitoring sa bagyong kristine at patuloy ring mag lalabas ng impormasyong hinggil sa estado ng LRT-1 operations. | ulat ni Lorenz Tanjoco
