Dahil sa patuloy na pagbuhos ng ulang dala ng bagyong Kristine, nagpakawala na ng tubig ang Bustos Dam sa Bulacan.
Alas-6 ng umaga, aabot sa 245 cubic meters per second ang pinakawalang tubig mula sa dalawang gate sa Bustos Dam.
Ito’y matapos na lumagpas na rin sa spilling level na 17.35 meters at nasa antas na 17.40 meters.
Dahil sa pagpapakawala ng tubig sa naturang mga dam, patuloy na may banta ng pagbaha ang mga bayan ng Angat, Balagtas, Baliuag, Bocaue, at Calumpit sa Bulacan.
Kaugnay nito, nagpapatuloy din ang discharge sa lima pang dam sa Luzon.
Kabilang dito ang Ipo Dam, Ambuklao Dam, Binga, San Roque, at Magat Dam. | ulat ni Merry Ann Bastasa
