Nasa 20 rubberboats na may Yamaha outboard motors ang ipinadala sa Bicol Region ayon kay Ako Bicol Party-list Representative Elizaldy Co.
Ipapagamit aniya mga rubberboats sa iba’t ibang ahensya tulad ng 49IBD, PNP Maritime Group, PCG, LGU, at NAVFORSOL para makatulong sa mga water rescue operations sa Bicol Region na lubog sa baha dahil sa bagyong Kristine.
Maliban dito, may kasama rin itong water rescue equipment tulad ng life vest, life bouy, traction rope, at rope throwing bag.
Malaki naman ang pasasalamat ni Co kay Speaker Martinez Romualdez na tumulong para sa dagdag na kagamitang ito. | ulat ni Kathleen Jean Forbes
