Nakalatag na sa iba’t-ibang bus terminal ang mga tauhan ng Quezon City Police District dalawang araw bago ang Undas.
Ayon kay QCPD Acting Director PCol Melecio Buslig Jr., inaasahan ang dagsa ng pasahero na magsisiuwian sa probinsya at simula ngayong araw hanggang bukas.
Sa 5 Star Bus Terminal, pansin na ang pag dating ng mga pasahero papuntang lalawigan,partikular sa Central Luzon.
Tiniyak ng Bus Company na sapat ang kanilang units para pagsilbihan ang publiko.
Nakalatag sa labas ng terminal ang Police Assistance Desk ng QCPD kasama ang MMDA, DOTR, LTFRB at LTO.
Ganito rin ang sitwasyon sa iba pang bus terminal sa lungsod.
Nauna nang inihayag ng QCPD Chief ang mahigit apat na libong pulis at force multifliers ang ikakalat sa mga bus terminal, sementeryo at columbarium ngayong panahon ng Undas. | ulat ni Rey Ferrer
