Nagpakalat na ng 458 na enforcers ang Land Transportation Office (LTO) sa Metro Manila bilang paghahanda sa Undas.
Ayon kay LTO-NCR Regional Director Roque Verzosa III, sa ilalim ng “Oplan Biyaheng Ayos,” katuwang ang LTO ng ibang ahensya sa pangangalaga sa kapakanan ng publiko at motorista.
Aniya, tiyak na ang dagsa ng libo-libong tao at motorista para bumiyahe sa mga lalawigan bago at pagkatapos ng Undas.
Nauna nang nagsagawa ng inspeksyon sa mga bus terminal ang LTO para tiyakin ang roadworthiness ng mga pampublikong transportasyon.
Kasama din dito ang random drug testing ng Philippine Drug Enforcement Agency sa mga driver at konduktor ng bus. | ulat ni Rey Ferrer
