Bumaba na sa apat ang natitirang mahinang pwersa ng guerilla fronts sa Pilipinas.
Sa press briefing sa Malacañang, sinabi ni Armed Forces of the Philippines (AFP) Chief of Staff (COS) General Romeo Brawner Jr. na mula ito sa dating pitong weakened Guerilla Fronts sa nakalipas na tatlong buwan.
Kumpiyansa ang heneral na bago matapos ang 2024, tuluyan nang mawawala ang apat na natitirang ito.
“And we are expecting by the end of the year, we will have finished all the guerilla fronts. We will have reduced them to zero.” —Gen Brawner.
Gayunpaman, inaasahan aniya nilang mayroon pa ring mangilan ngilan na taga suporta ng mga grupong ito ang magtatangkang bumuo ng mas maliliit na grupo, upang maglunsad ng mga pag atake sa maliliit na military o police detachments.
Ayon sa heneral, mahinang mahina na ang pwersa ng CPP-NPA-NDF, at ang natitira na lamang aniyang fighters nito ay nasa higit 1,000 na lamang mula sa dating higit 2, 000 noong 2023.
“In terms of the strength of the New People’s Army, ay talagang mahinang-mahina na sila. So, they only have about 1,111 fighters left from the 2,200 last year. So, that is a big reduction in their manpower,” —Brawner.
Malaking kabawasan aniya ito sa pwersa o manpower ng mga rebelde.
“We have to continue working together to be more vigilant even if we have already severely degraded their capability to conduct violent actions, or terrorism. We have to be continuously vigilant and supportive of the different socio-economic development programs of the government,” —Gen Brawner. | ulat ni Racquel Bayan
