Naglabas ng abiso ang Land Transportation Franchising and Regulatory Board (LTFRB) na pansamantalang itinigil ang lahat ng biyahe patungong Visayas at Mindanao, simula ngayong araw.
Batay sa abiso, sakop nito ang mga bus at truck na dadaan ng Matnog Port, at iba pang lugar sa Bicol Region na maaapektuhan ng bagyong Pepito.
Ipinatupad ang suspensyon batay sa rekomendasyon ng Office of Civil Defense Regional Office V at ng National Disaster Risk Reduction and Management Council (NDRRMC).
Layon nitong maiwasan ang pagsisikip ng mga stranded na motorista sa Maharlika Highway, at iba pang pangunahing kalsada sa mga lugar na tatamaan ng bagyo. | ulat ni Diane Lear
