Ibinahagi ni Sweden Ambassador Herald Fries sa Depatment of Finance (DOF) ang kanilang dedikasyon upang palawakin ang pamumuhunan at kolaborasyon sa Pilipinas.
Partikular sa larangan ng imprastraktura, transportasyon, digitalisasyon, healthcare, energy at responsableng pagmimina.
Kabilang ito sa mga tinalakay ng Sweden Ambassador at ni Finance Secretary Ralph Recto, sa courtesy meeting na naglalayong mas pagtibayin ang strategic partnership ng Pilipinas at Sweden.
Pinag-usapan din sa pulong ang transfer of technology kung saan nag-alok ang Sweden ng paborableng solusyon sa export credit upang mapadali ang kalakalan sa pagitan ng dalawang bansa.
Sa katunayan, nakatakdang lagdaan ang isang memorandum of understanding (MOU) sa Financial Development Cooperation na magbibigay daan sa mas malalim na kolaborasyon sa mga kritikal na sektor. | ulat ni Melany Valdoz Reyes
