Inaasahang darating ngayong araw ang ipinadalang 1,700 na family food packs ng Department of Social Welfare and Development (DSWD-5) Bicol sa probinsya ng Catanduanes.
Ang mga family food packs na mula pa sa warehouse ng ahensya sa Pawa, Legazpi City, ay ipapamahagi sa mga bayan na lubhang naapektuhan ng Super Typhoon Pepito.
Maliban dito, nauna nang nagpamahagi ang ahensya ng 1,013 na family food packs sa 7 barangay sa bayan ng Bagamanoc, Catanduanes, kahapon.
Tuloy-tuloy naman ang koordinasyon ng DSWD Bicol sa mga lokal na pamahalaan sa Catanduanes upang maibigay ang mga pangangailangan ng mga apektadong pamilya dahil sa nagdaang sakuna. | ulat ni Paul Hapin | RP1 Albay
