Inaprubahan ng House Committee on Human Rights ang draft substitute bill na naglalayong palakasin ang mandato ng Commission on Human Rights (CHR) bilang independent national human rights institution.
Sa pagdinig ng komite sa panukalang batas, sinabi Lanao Del Sur Rep. Zia Alonto Adiong na isa sa may akda, layon nitong tugunan ang mga hadlang para ipatupad ang mandato ng Commission.
Bibigyan din ng kapangyarin ang CHR na umaksyon agad sa mga human rights violations, isyu ng mga “injuctive relief” at pagpapatupad ng legal measure.
Ang draft substitute bills ay pinagsama-samang House bills na iniakda rin nila Rep. Benny Abante na chair ng komite, Gus Tambunting, Ralph Wendell Tulfo, Michael Romero, Gervillle Luistro at si House Speaker Martin Romualdez.| ulat ni Melany V. Reyes
