Posibleng manatili ang borrowing cost kung magpapatuloy ang inflationary pressures.
Sa isang panayam kay Bangko Sentral ng Pilipinas (BSP) Eli Remolona Jr. sa BSP-IMF Systematic Risk Dialogue, sinabi nito na magdedepende ito sa inflation at paglago ng ekonomiya.
Aniya, magbabase ang monetary board sa datos kung magkakaroon ng pagbawas ng interest rate.
Una nang sinabi ni Remolona, na plano nila ang isa pang rate cut ngayong darating na Disyembre o sa Pebrero ng susunod na taon.
Maalalang nagpatupad na ng rate cut ang sentral bank noong Agosto at Oktubre kung saan tig- 25 basis points ang ibinawas sa interest rates. | ulat ni Melany Valdoz Reyes
