Nananatiling nakabantay ang ilang tauhan ng Office of Sergeant-at-Arms ng Kamara sa Veterans Memorial Medical Center (VMMC) habang naka-confine dito si Office of the Vice President Chief of Staff Atty. Zuleika Lopez.
Ito ay habang ipinatutupad at pinalawig pa ang Contempt Order ng Kamara laban kay Lopez.
Ito na ang ikaapat na araw na pamamalagi ni Lopez sa VMMC matapos na dalhin ito noong Sabado mula sa Kamara.
Kagabi, muli rin itong binisita ni Vice President Sara Duterte at maging ni Senador Bato dela Rosa.
Sa mga oras na ito, nananatiling tahimik ang sitwasyon sa labas ng Valdez Hall ng VMMC na bantay-sarado ng mga tauhan ng Vice Presidential Security Group (VPSG). | ulat ni Merry Ann Bastasa
