Bukas na muli ang pagkakaloob ng discount voucher para sa pag-aaral sa kolehiyo ng mga residente ng District 1 sa Quezon City.
Ito ay sa pamamagitan ng partnership ng pamunuan ng STI Muñoz Edsa QC at ni QC district 1 Councilor Charm Ferrer.
Layon nitong matulungan ang mga mag-aaral na mabawasan ang kanilang gastusin sa kolehiyo.
Sa pamamagitan ng discount voucher, makakatanggap ng 20% discount ang benepisyaro sa pag-aaral sa anumang kurso sa STI Edsa Muñoz sa Quezon City.
Nagsimula ang naturang partnership noong 2022, kung saan nasa higit 300 nang mga mag-aaral sa district 1 sa QC ang nakinabang.
Ayon kay Councilor Charm Ferrer, patuloy ang pagkakaloob ng tanggapan ng discount voucher sa mga mag-aaral para mabawasan ang gastusin sa pag-aaral ng mga estudyante sa college at makapag-aral ng maayos.
Para maging kwalipokado sa programa at makakuha ng discount voucher, kailangan lamang na hindi bababa sa 2.0 ang grade ng mag-aaral at makapagsumite ng biodata at picture sa tanggapan ni Konsehal Ferrer para maiproseso ang pagkakaloob ng voucher. | ulat ni Merry Ann Bastasa
