???? ??????, ????????? ???????? ??. ?????? ???. ??????? ????? ??. — ??? ?????

Mahigpit na binabantayan ng binuong Task Force Degamo ang galaw ni Negros Oriental 3rd District Representative Arnulfo “Arnie” Teves Jr.

Ito ang inihayag ni Philippine National Police (PNP) Chief, Police General Rodolfo Azurin Jr. na miyembro ng naturang task force.

Sinabi ng PNP Chief, na bineberipika pa nila ang impormasyon na nasa Cambodia na ngayon si Teves, sa pamamagitan ng International Police (InterPol).

Gayunman, sinabi ni Azurin, na kung magmamatigas pa ring umuwi ng bansa si Teves ay kanilang aalamin kung mayroon bang sapat na dahilan para humiling sa Department of Justice (DOJ) na magsagawa ng request sa InterPol na maglabas ng Blue Notice.

Nakadepende aniya ito sa sitwasyon, at posible pang umabot ito sa pagpapalabas ng Red Notice sakaling maisampa na ang kaso laban kay Teves Jr. | ulat ni Jaymark Dagala