Umabot sa P510,000 halaga ng iligal na droga ang nakumpiska ng mga pulis sa ikinasang buy-bust operation sa Brgy. Cabugao Sur, Pavia, Iloilo.
Arestado sa operasyon si Sheila Marie Nueva, 40 taong gulang at residente ng nasabing barangay.
Nakumpiska kay Nieva ang 75 gramo ng shabu na nagkakahalaga ng P510,000 buy-bust money at ilang drug items.
Ayon kay Iloilo Police Provincial Office (IPPO) Spokesperson at hepe ng Pavia PNP, P/Major Rolando AraΓ±o, high-value target si Nueva at kumukuha ng supply ng droga sa siyudad ng Iloilo.
Ang operating units ng IPPO-Provincial Drug Enforcement Unit at Pavia Municipal Police Station ang nagsagawa ng operasyon laban sa suspek.
Sa ngayon, nasa kustodiya ng Pavia Municipal Police Station si Nueva at nahaharap sa kasong paglabag sa iligal na droga. | ulat ni Paul Tarrosa | RP1 Iloilo
