??? ????????? ?? ???????? ?? ??? ?????, ??????????? ?? ??????????? ?? ??????

Pinatitiyak ni Surigao del Sur Representative Johnny Pimentel na magbabayad danyos ang kumpanya ng lumubog na MT Princess Empress sa mga komunidad na apektado ngayon ng oil spill.

Paalala ng mambabatas malinaw na nakasaad sa batas na may pananagutan ang sino mang magdudulot ng pollution damage.

Tinukoy nito na sa ilalim ng Oil Pollution Compensation Law of 2007, responsible ang RDC Reield Marine Services sa pagbabayad ng paglilinis sa tumagas na langis, environmental damages, at restoration, bayad sa mga kabuhayang nawala dahil sa nakontamina o nasirang ari-arian, economic loss, at banta sa kalusugan.

“The law imposes strict liability for pollution damage resulting from spills of persistent oil from tankers, and ensures compensation for those who suffer economic losses or incur costs due to the toxic discharges. We expect the oil tanker’s owner to be swamped with compensation claims from individuals and entities harmed by the spill, including those forced to conduct their own cleanup activities.” ani Pimentel.

Sa kasalukuyan, nasa sampung minisipalidad sa Oriental Mindoro at Antique ang nasa ilalim ng state of calamity dahil sa oil spill, at mayroong 14,000 mangingisda ayon sa National Disaster Risk Reduction and Management Council. | ulat ni Kathleen Forbes