Kinumpirma ng Philippine National Police (PNP) na anim na kaso na ang naisampa sa korte laban sa mga supek sa Degamo case.
Ayon kay PNP Spokesperson PCol. Jean Fajardo, Murder at Frustrated Murder ang isinampang kaso sa apat na arestadong suspek, at 12 pinaghahanap pa.
Bukod sa rebilasyon ng mga suspek magiging matibay din na ebidensya ang baril na na-recover sa kanila.
Kabilang na diyan ang assult riffle na tumugma sa crossmatching sa balang tumama kay Governor Roel Degamo noong siya ay pagbabarilin.
Samantala, mas malaking pwersa ng PNP at AFP ang pinakalat sa Negros Oriental para mahuli ang iba pang suspek sa pagpatay. | ulat ni Don King Zarate
