Nagsagawa ng Gender and Development (GAD) Activity ang Philippine Army sa Loreland Farm Resort, Antipolo, Rizal, sa konklusyon ng isang buwang pagdiriwang ng Women’s Month 2023.
Sa tatlong araw na aktibidad, tinalakay ang mga gender-sensitive na isyu na nakakaapekto sa mga sundalo sa trabaho at sa lipunan.
Ang closing ceremony ay pinangunahan ni Philippine Army Vice Commander Brigadier General Steve D. Crespillo.
Naging panauhing pandangal sa programa si Cotabato Governor Hon. Emmylou Taliño-Mendoza, kung saan kanyang ipinaabot ang kanyang pasasalamat sa mga lalaki at babae ng Philippine Army sa kanilang serbisyo sa mga mamamayan.
Pinuri din ng gobernador ang mga inisyatiba ng Philippine Army sa pagsulong ng gender-equality sa kanilang hanay. | ulat ni Leo Sarne
