Arestado ang isang Chinese national na nagtangkang suhulan ang mga pulis sa Taguig City.
Kinilala ng Taguig City Police Station ang suspect na si Bin Li na nagtatrabaho bilang sales manager.
Ayon sa Pulisya, nagtungo si Li sa Fort Bonifacio Police Substation para sunduin ang kaibigan na nakakulong dahil sa iligal na droga.
Nag-alok ito ng ₱100,000 sa mga pulis kapalit ng pagkakalaya ng kanyang kaibigang Chinese national na kinilalang si Deng Jiliang.
Hindi tinanggap ng mga pulis ang suhol ni Li at agad siyang inaresto.
Nahaharap siya sa kasong paglabag sa Anti-Graft and Corrupt Practices Law.
?: SPD
