Nailigtas ng mga tauhan ng Naval Forces West ang anim na sakay ng lumulubog na banka sa bisinidad ng Ulugan Bay, Brgy. Bahile, Puerto Princesa, Palawan, nitong Easter Sunday.
Ang mga nasagip na kinabibilangan ng isang bata ay umalis mula sa Macarascas sakay ng MB Dexter, patungo ng Rita Island para mamasyal nang masiraan ng makina ang kanilang bangka.
Natagpuan ng BRP Andres Bonifacio (PS17) ang stranded na bangka na bahagyang nakalubog dahil sa lakas ng alon, at agad nagdispatsa ng team para sumaklolo.
Ang mga nasagip na pasahero ay agad binigyan ng medikal na atensyon, at hinila ang kanilang bangka pabalik ng Macarascas.
Matapos na masiguro na nasa maayos na kondisyon, ang mga nailigtas na pasahero ay tinurn-over sila sa barangay captain ng Macarascas at ligtas na nakauwi sa Purok Maligaya, Brgy. Macarascas, Puerto Princesa City. | ulat ni Leo Sarne
?: Naval Forces West PAO
