Lumahok ang dalawang Black Hawk Combat Utility Helicopters ng 205th Tactical Helicopter Wing ng Philippine Air Force, sa Air Assault exercise sa Zambales na bahagi ng Balikatan 38 – 2023 military exercise.
Ipinamalas ng dalawang helicopter ang mabilis na pag-deploy ng 72 sundalong ng 103rd Infantry “Mabalasik” Battalion, 5th Infantry Division, sa exercise area sa Zambales mula sa Fort Magsaysay, Nueva Ecija.
Naihatid ng mga helicopter ang mga tropang kumpleto sa kagamitan sa dalawang balikan, na sinaksihan ng mga tropa ng US military.
Layon ng ehersisyo na mahasa ang interoperability ng mga air at ground forces ng Armed Forces of the Philippines (AFP) sa pagsasagawa ng heli-borne assault operations. | ulat ni Leo Sarne
?: PAF
