Handa na ang Caloocan local government na alalayan ang mga motorista at mananampalataya ngayong Holy Week.
Sa ilalim ng inisyatibo nitong “Alalay sa Manlalakbay”: Oplan Semana Santa, iniutos ni Caloocan Mayor Along Malapitan ang pagde-deploy ng mga personnel at assistance/information desks sa iba’t ibang bahagi ng lungsod.
Tututukan naman ng Caloocan City Police ang pagpapatrolya at pagtitiyak ng seguridad sa publiko.
Nakahanda rin 24/7 ang Alert and Monitoring Operation Center hotline (02) 888-25664 (ALONG) ng lungsod para agad rumesponde sa mga mangangailangan ng emergency response. | ulat ni Merry Ann Bastasa
