Welcome kay bagong PNP Chief Police General Benjamin Acorda Jr. ang pagpuna ng mga kritiko.
Sa kaniyang mensahe matapos na manumpa sa kaniyang bagong katungkulan ngayong umaga, sinabi ni Gen. Acorda na ang mga kritiko ay nagsisilbing “check and balance” ng PNP.
Kasabay nito, nanawagan naman sa mga miyembro ng media si Acorda na suportahan ang PNP sa paghahatid ng impormasyon sa publiko para sa kapayapaan at kaayusan ng bansa.
Ayon kay Acorda, magiging transparent ang PNP at kailangan nito ang suporta at commitment ng lahat upang malagpasan ang mga pagsubok na kakaharapin ng organisasyon.
Ayon kay Acorda, itutuloy niya ang paglilinis sa hanay ng PNP mula sa mga opisyal na sangkot sa iligal na droga na nasimulan ni dating PNP Chief Police General Rodolfo Azurin Jr. | ulat ni Leo Sarne
