Kaisa si House Appropriations Committee Chair Elizaldy Co sa mga nagpaabot ng pagbati sa bagong talagang hepe ng pambansang pulisya.
Ayon kay Co, makakaasa ng suporta si PNP Chief Benjamin Acorda, Jr. mula sa Kongreso lalo na pagsapit ng budget season.
Aniya, sa inaasahang pagharap ng pinuno ng kapulisan sa budget hearings ay titiyakin ng House leadership na maibibigay ang karampatang pondo para maipatupad nito ang paglaban sa krimen at insurgency.
Umaasa naman si Co na makapaglatag si Acorda ng bago at mas epektibong mga programa sa PNP na maghahatid ng pangmatagalang impact sa publiko. | ulat ni Kathleen Jean Forbes
